திருவண்ணாமலை அண்ணாமலையார் கோயிலில் இன்று தொடங்கும் கார்த்திகை தீபத்திருவிழாவிற்கான பக்தர்கள் இலவச தரிசனத்திற்கான பதிவு நேற்று தொடங்கி நடைபெற்று வருகிறது.
20ந் தேதி கொடியேற்றம்
திருவண்ணாமலை அண்ணாமலையார் கோயிலில் வரலாற்று சிறப்பு மிக்க கார்த்திகை தீபத்திருவிழா இன்று (17.11.2020) இரவு துர்க்கையம்மன் திருக்கோயில் வளாகத்தில் துர்க்கை அம்மன் உற்சவத்தோடு தொடங்குகிறது. 20ந் தேதி வெள்ளிக்கிழமை அண்ணாமலையார் கோவிலில் கொடியேற்றம் நடைபெறுகிறது. தொடர்ந்து காலை விநாயகர்¸ சந்திரசேகரர்¸ இரவு பஞ்சமூர்த்திகள் உற்சவங்கள் அண்ணாமலையார் கோயில் வளாகத்தில் நடக்கிறது.
3.12.2020 சண்டிகேஸ்வரர் வெள்ளி ரிஷப வாகன உற்சவத்தோடு 17 நாட்கள் இந்த தீபத் திருவிழா நடைபெற உள்ளது.
கொரோனோ நோய் தொற்றினை கட்டுப்பாட்டில் வைத்திடவும்¸ தற்போது கொரோனா நோய் தடுப்பு நடவடிக்கையாக ஊரடங்கு உத்தரவு அமுலில் இருப்பதினாலும் தீபதிருவிழாவிற்கு கட்டுப்பாடுகள் விதிக்கப்பட்டுள்ளன. அதன்படி சாமி வீதி உலா¸ தேரோட்டம் ஆகியவை ரத்து செய்யப்பட்டு அதற்கு பதில் கோயில் வளாகத்தில் சாமி உற்சவங்கள் நடைபெறும் என அறிவிக்கப்பட்டுள்ளது.
மலையேற¸கிரிவலம் செல்ல தடை
மகாதீப நாளான 29.11.2020 அன்று பொதுமக்கள்¸பக்தர்கள் அண்ணாமலையார் கோயிலின் உள்ளே சுவாமி தரிசனம் செய்யவும்¸ மலைமீது ஏறி 2668 அடி உச்சியில் ஏற்றப்படும் மகாதீபத்தினை தரிசனம் செய்திடவும் பக்தர்களுக்கு அனுமதி இல்லை என்றும்¸ 29.11.2020 மற்றும் அதனை தொடர்ந்து 30.11.2020 அன்று வரப்பெறும் பவுர்ணமி நாளன்றும் பக்தர்கள் கிரிவலம் செல்வதற்கும் தடை விதிக்கப்படுவதாகவும் மாவட்ட ஆட்சித் தலைவர் அறிவித்துள்ளார். மேலும் தீபத்திருவிழா காலங்களில் திருவண்ணாமலை நகரம் மற்றும் கிரிவலப் பாதைகளில் அன்னதானம் வழங்கவும் தடை விதிக்கப்பட்டுள்ளது.
பொதுமக்கள் தங்களது வீடுகளிலிருந்தே அண்ணாமலையார் மலை உச்சியின் மீது ஏற்றப்படும் தீபத்தினை தரிசனம் செய்திடுமாறும்¸ நகரின் எந்தவொரு பகுதியிலும் தேவையின்றி கூடாமலும்¸ கூட்ட நெரிசல் ஏற்படுத்தாமலும் தகுந்த ஒத்துழைப்பு நல்குமாறு மாவட்ட நிர்வாகம் சார்பில் கேட்டுக் கொள்ளப்பட்டுள்ளது.
5ஆயிரம் பக்தர்களுக்கு அனுமதி
இந்நிலையில் இன்று முதல் அண்ணாமலையார் கோயிலில் சாமி தரிசனம் செய்ய அடையாள அட்டை அவசியமாகும். இதற்காக ஆன்லைன் பதிவு நேற்று முதல் தொடங்கியுள்ளது. 17.11.2020 முதல் 03.12.2020 வரை 29.11.2020 தீபத் திருநாள் தவிர தினந்தோறும் சுமார் 5000 பக்தர்களுக்கு மிகாமல் கோயிலில் சுவாமி தரிசனம் செய்திட அனுமதிக்கப்பட உள்ளனர். நுழைவு சீட்டு உள்ளவர்கள் மட்டுமே 29.11.2020 தீபத் திருநாள் தவிர கோயிலின் உள்ளே சுவாமி தரிசனம் செய்திட அனுமதிக்கப்படுவார்கள்.
சுவாமி தரிசனம் செய்ய விரும்பும் பக்தர்கள் www.arunachaleswarartemple.
குழந்தைகள்¸ முதியவர்களுக்கு அனுமதியில்லை
